1. تۋر اگەنتتىك قىزمەتى

ءقازىر شەتەلگە ساياحات ۇيىمداستىراتىن ارنايى تۋر اگەنتتىكتەر جابىلىپ جاتىر. ساياحاتتاۋعا نيەت ەتكەن ادام ۇيدە وتىرىپ-اق ونلاين تۇردە بارلىق ساياحاتىن ۇيىمداستىرا الادى.

2. كاسسير

Mcdonald's، KFC سىندى تانىمال جەرلەردىڭ وزىندە تاپسىرىستى ونلاين قابىلداپ، تولەمدى دە سول ۋاقىتتا جاساۋعا بولادى. الەمنىڭ كەز كەلگەن جەرىندە تولەم جاساۋعا مۇمكىندىك تۋعىزعان ونلاين تولەم قولدانىسى كۇن سايىن ارتىپ، جاقىن ارادا كاسسير قىزمەتىنە دەگەن سۇرانىس تومەندەيتىنى ايقىن.

3. كىتاپحاناشى

كوپتەگەن جەرلەردە بۇل قىزمەتتى اتقارۋشى جانداردى جۇمىستان شىعارىپ، ساندارىن بارىنشا قىسقارتىپ جاتىر.

4. حات جەتكىزۋشى شابارمان

كومپانيا مەن مەكەمەلەردە حات، ءوتىنىش، قانداي دا ءبىر قۇجات بولسىن ونلاين فورماتتا قابىلداۋ كەڭىنەن ەتەك الۋدا. بارلىق قاجەتتىلىكتى ەلەكتروندى قۇرال كومەگىمەن وتەپ جۇرگەن ادام ءۇشىن شابارماننىڭ قىزمەتىنە دەگەن سۇرانىس جوق.

5. بانك قىزمەتكەرى

جاقىن ارادا بانك بولىمشەلەرى تۇگەلدەي جابىلىپ قالماعانىمەن، سانى الدەقايدا ازاياتىن بولادى. پايدالانۋشىلار ءۇشىن ونلاين جانە تەلەفون ارقىلى جاسالاتىن بانكينگ قىزمەتى ىڭعايلى. وزىڭىزگە قولايلى ۋاقىتتا، كەزەك كۇتپەستەن ترانزاكسيا جاساپ، ءوز شوتىڭىزدى وڭاي باسقارۋعا مۇمكىن.

6. توقىما ونەركاسىبى قىزمەتكەرى

وندىرىستە قولدانىلاتىن جاڭا تەحنولوگيانىڭ ارقاسىندا جارتىلاي اۆتوماتتاندىرۋعا كوشىپ جاتقان كاسىپكەر مەن مەكەمە ءۇشىن قىزمەتكەردەن گورى جىلدام ءارى ساپالى ىستەيتىن تەحنولوگيانى جۇمىلدىرعان الدەقايدا ءتيىمدى.

7. باسپا يندۋسترياسى

گازەت جانە جۋرنال باسپالارىنان باستاپ ولاردى وندىرەتىن جانە تاراتاتىن جۇمىس ورىندارى ءۇشىن ونلاين نۇسقالارىن ۇسىنىپ، باسپا ىسىنە جاڭا تەحنولوگيانى بەرۋ كەڭىنەن ەتەك الۋدا.

8. تورەشى

سپورتتىڭ كوپتەگەن تۇرلەرىندە ويىندى باعالاۋ ءۇشىن تەحنولوگيانىڭ كومەگىن پايدالانۋدى ءجون سانايدى. فۋتبول ويىندارىنىڭ وزىندە قاقپانىڭ جەلىسى اتتى تەحنولوگيامەن قاتار بەينە سۋديا كومەكشىسى (VAR)  جۇيەلەرى الەمدىك دەڭگەيدەگى جارىستاردا قولدانىلادى.

9. ۇشقىش

الەمنىڭ تۇكپىر تۇكپىرىندە ۇشاقتى ۇشقىشسىز ۇشىرۋ اپپاراتتارىن دامىتۋ ءۇشىن قارقىندى جۇمىس جاسالۋدا.  ۇشاقتاعى ەكيپاجدىڭ ءوزى ەكى ادامعا قىسقارعان.

2030 جىلعا قاراي ۇشاق كابيناسىن باسقارۋ ءۇشىن تەك ءبىر باقىلاۋشى قاجەت بولۋى مۇمكىن.

10. تاكسي جۇرگىزۋشىلەرى

وزدىگىنەن جۇرەتىن اۆتوكولىكتەردىڭ كوبەيۋى جاقىن ارالىقتا تاكسي جۇرگىزۋشىلەرىن قاجەت ەتپەۋى ىقتيمال.

دەرەككوز: The Guardian